وصلات نسبة النجاح فامتحانات الباكالوريا لموسم 2022/2023 بجميع المعاهد التعليمية التابعة للمنظمة العلوية لرعاية المكفوفين بالمغرب، اللي كترأسها الأميرة للا لمياء، 100 فالمية.
ووضّح بلاغ للمنظمة باللي أعلى معدل وصل ل17,54، وحصل عليه التلميذ أسامة شوردي من معهد الدار البيضاء، في حين تراوحت باقي المعدلات بين 13 و16,6.
كيفما ضاف نفس المصدر ، باللي هاد النتائج كتأكد المجهود اللي كادّيرو الأطر التربوية التعليمية اللي كتقرى فهاد المعاهد فإطار الشراكة القائمة بين وزارة التربية والتكوين والتعليم الأولي والرياضة والمنظمة، والمواكبة اليومية لهاد الأخيرة ولرئيستها صاحبة السمو الأميرة للا لمياء.
وأشار البلاغ باللي للمنظمة شراكة مع بعض الجامعات الحرة كالجامعة الأورومتوسطية بفاس والجامعة الدولية للرباط والجامعة الدولية بالدار البيضاء، حيث كتستقبل بعض التلاميذ الحاصلين على أعلى نقطة بدعم منها.