قال عبد اللطيف ميراوي، وزير التعليم العالي، الإثنين، باللي الوزراء ديالو والشركاء فالحكومة، غادين فاتجاه تعميم المنحة الجامعية على الشباب الجامعي المحتاج ليها.
ووضح ميراوي، في جوابه على أسئلة شفوية بمجلس النواب، باللي السجل الاجتماعي الموحد، “غيمكننا من استهداف الشباب المتحدرين من مناطق هشة”.
وأفاد المسؤول الحكومي، بأن وزارتو رفعات عدد المنح هاد العام بمقدار 20 ألف منحة إضافية، باش يوصل عدد الممنوحين 421 ألف منحة في 2023، مقابل 401 ألف منحة سنة 2022، و385 ألف منحة في سنة 2021″.
وكيشوف ميراوي باللي السكن والمنحة، من أهم ما كيعاون الشباب على متابعة دراستهم الجامعية، مشيرا إلى أنه خاص الاعتراف باللي المغرب كيتقدم فهاد المجال.
وشدد الوزير على أن نسب تغطية المنحة على الصعيد الوطني واصلة حاليا لمعدل 76 فالمية من مجموع الطلبات المقدمة، وكتوصل ببعض المناطق ل100 فالمية.
وأفاد الوزير باللي كاين مشاورات على صعيد الجهات لإحداث صندوق لدعم الشباب الجامعي، بحال ما وقع فالسكن، وفق تعبير المسؤول الحكومي، كيأكد باللي المشكل مجتمعي كيتطلب تضافر جهود الجميع.