علنات شركة “بي إم دابليو” الألمانية للسيارات، باللي مبيعاتها طلعات بنسبة 11.3% فالربع الثاني على أساس سنوي، باش توصل ل626 ألف و726 سيارة.
ووضّحات الشركة أنها رصدات تحسّن فالمبيعات بأسواق الصين والولايات المتحدة وألمانيان بشكل خاص.
وارتفعات مبيعات السيارات الكهربائية بالكامل من طرازي “بي إم دابليو” و”ميني” خلال الربع الثاني على أساس سنوي لأكثر من الضعف، وسجلات 88 ألف و289 سيارة.
وقال رئيس المبيعات فالشركة، بيتر نوتا: “غتكمّل مجموعة بي إم دابليو رواجها فالتنقل الكهربي فالنصف الثاني من هاد العام بسرعة كبيرة”.
وبفضل تزايد الاستقرار في سلاسل التوريد، كتّزاد مبيعات السيارات فالأسواق حاليًا وكتّقلص فترات التسليم.
وكتّوقع الشركة ارتفاع طفيف فأرقام المبيعات بالنسبة للعام الحالي ككل، بفضل مبيعات السيارات الكهربائية والفاخرة.
وبعد التراجع الطفيف فأرقام المبيعات خلال الربع اللول وارتفاعها فالربع الثاني، كتشوف الشركة أنها غادا فالمنحى الصحيح فالوقت الحالي: فالنصف اللول من 2023، ارتفعات المبيعات بنسبة 7ر4% باش توصل ل215ر1 مليون سيارة.
وذكرات الشركة باللي الفئة السابعة الجديدة و طراز “إكس 7″ و”بي إم دابليو آي 4” الكهربائية بالكامل كتعرف طلب كبير فالوقت الحالي.
وفالولايات المتحدة زادت المبيعات بنسبة 14% تقريبا باش توصل ل95 ألف و500 سيارة، وفأوروبا باعت المجموعة 233 ألف سيارة، بزيادة قدرها 9% على أساس سنوي، فيما زادت المبيعات فألمانيا بنسبة 5ر22% لتصل إلى 77 ألف سيارة.
وفالصين، انتاعش الطلب بقوة، وارتفعات المبيعات بنسبة حوالي بنسبة 16% باش توصل لما يقرب من 198 ألف سيارة فالربع الثاني.