ولاّت الهجرة بالمغرب ظاهرة كبيرة، ومبقاتش مقتاصرة فقط على الهجرة السرية بقوارب الموت وإنما بشكل قانوني من خلال “كونطرات” عمل وتأشيرات لدول مختالفة كيطلبها كفاءات وحاملي شواهد ودبلومات بالمغرب.وممكن معالجة هاد الموضوع من جانبين..اللول كيتطرّق للهجرة السرية والثاني كيتطرّق لهجرة الكفاءات والأطر.. وبخصوص الهجرة السرية عرفات واحد الثورة فالسنوات اللّخرة، ووصلات النسبة ديالها لأرقام قياسية محقّقاتهاش هادي سنين.
أفادت معطيات لوزارة الداخلية المغربية، باللي السلطات تمكنات خلال الأعوام الخمسة الخمس الفايتة، من إحباط حوالي 366 ألف محاولة للهجرة غير النظامية تجاه أوروبا.
ووفق الأنباء اللي نقلاتها وكالة الأنباء الرسمية، فهاد الرقم كيوصل لأكثر من 70 ألف محاولة باءت بالفشل العام الفارط، و25 ألف و519 محاولة حتى شهر مايو خلال العام الجاري.
كيفما تضمّنات عمليات الإنقاذ في عرض البحر حوالي 90 ألف مهاجر خلال السنوات الخمس الفاينة، حسب نفس المصدر، في مقابل ما مجموعه 12 ألف و478 مهاجر العام الفايت، و3150 لحدود شهر أبريل لسنة 2023.
وبخصوص تفكيك الشبكات الإجرامية اللي كتبزنز فالاتجار بالمهاجرين، وضّح نفس المصدر باللي العدد وصل 290 شبكة إجرامية العام الفايت، فيما تم تفكيك 117 شبكة حتال نهاية مايو من العام الجاري، الشيء اللي كيرفع العدد الإجمالي للشبكات اللي تم تفكيكها خلال الأعوام الخمسة الفايتة ل1500.
أمّا فيما كيخصّ محاولات اقتحام سبتة ومليلية اللّي نجحات السلطات المغربية فإفشالها، ذكرات معطيات الداخلية المغربية بأنها وصلات لحوالي مية محاولة خلال الأعوام الخمس الفايتة،حيث تورّط فيها حوالي 17 ألف و500 شخص.
وكتجي أرقام السلطات المغربية متزامنة مع مرور سنة على “مأساة مليلية”، فاش حاول حوالي ألفي مهاجر غير نظامي، أغلبيتهم من السودان، اقتحام السياج العالي اللشي كيفصل هاد المدينة الإسبانية على مدينة الناظور المغربية.
إذ تقتل 23 مهاجر فداك النهار، وسجّل أعلى حصيلة خلال هاد النوع من المحاولات لاقتحام هاد الجيب وجيب سبتة المجاور، اللي كيشكّلو الحدود البرية الوحيدة للاتّحاد الأوروبي مع القارة الإفريقيّة.
لكن منظمة العفو الدولية غير الحكومية، وخبراء مستقلين عيّنهم مجلس حقوق الإنسان التابع للأمم المتحدة، أشاروا إلى أن عدد القتلى مكيقلّش على37، في حين تفقد أثر 76 مهاجر من ديك، بحسب جماعات معنيّة بالدفاع على حقوق الإنسان.
وعلى جا على لسان مواطن مغربي ل”فلاش راديو، في تصريح حصري معاه عبّر على الحلم ديالو بالهجرة وتحسين الوضعية الاحتماعية..فالفيديو الحصري أسفله: