بدا موسم الاصطياف اللي كينتاظروه بزاف ديال المغاربة باش يستمتعو بالأجواء ديالو، حيث كيختار بزاف منهم البحر كوجهة فين يدوزو فترة العطلة، غير أن الكثير من الخروقات والتساهلات اللي كتوقع فهاد الفضاءات ولات كتير قلق المغاربة.
فهاد الصدد، تداول نشطاء فضاءات التواصل الاجتماعي منشورات، كيعبرو فيها عدم رضاهم على ما كيوقع فهاد الفترة السنوية، كيطالبو بمواجهة محاولات الاستيلاء واحتلال الملك العمومي بالحزم والصرامة اللازمين.
وبه، أدان بوعزة الخراطي، رئيس الجامعة المغربية لحماية المستهلك، ما سماه بـ”الريع” اللي كيسمح ب”الاستغلال البشع لفضاءات الترفيه بالمغرب وبالأخص الملك البحري التابع لوزارة التجهيز واللي كتستاغلو الجماعات الترابية”.
ونوه الخراطي، باللي شي جماعات تقوم بتفويت هاد الفضاءات للخواص، في حين يقوم بعضها بالاستيلاء عليها كأنهم قراصنة كيبتزو المستهلك المغربي”، داعيا، في هاد الصدد، السلطات للتدخل لردع هاد الأساليب غير القانونية.
ووضح نفس المتحدث، باللي “البحر ديال كاع المغاربة وماشي ملك لشي واحد، والقانون كيأطر هاد الفضاءات باعتبارها مشترك بين المغاربة”، كينتاقد بعض الممارسات بحال”وضع واقيات الشمس (الباراسولات) فهاد الفضاءات وكرائها بأثمنة خيالية للمواطنين”.
ولفت نفس لمتحدث ، باللي “الفوضى اللي كتعرفها هاد الفترة كيتم استغلالها بشكل خايب والمواطن اللي كيأدي تكلفتها”، كيأكد باللي “مجموعة من المغاربة وبسباب هاد الخروقات، كيفضلو وجهات سياحية خارج المغرب كإسبانيا، رغم أن بلادهم كيتوفر على أحسن الواجهات البحرية من السعيدية للكويرة”.