قال مدرب الوداد الرياضي، عادل رمزي، باللي فرقتو كيتسنّاها ماتش قاصح فالجولة اللخرة من دور مجموعات كأس الملك سلمان للأندية العربية البطلة، حيث طاح مع الهلال السعودي، وكيتمنى رمزي يواجه الاتحاد، اللي كيلغب لصفوفو الدولي المغربي عبد الرزاق حمد الله والنجم الفرنسي كريم بنزيما اللي عاد التحق بصفوفهم، في ربع النهائي.
ولا شك أن المقابلة ديال غدا (الأربعاء) غتكون ديال “يا غالب يا مغلوب” مكاينش القسمة على جوج، للتأهل للاستمرار في البطولة العربية للأندية، حيتاش غيحتاجو للرّباح بالثلاثة نقاط للمرور لدور الثمانية.
كيفما أن الوداد متمركز هو الثاني فالمجموعة الثانية بجوج نقاط متقاسمة مع أهلي طرابلس الليبي، وكيبقى الزعيم الهلالي فأسفل الترتيب بنقطة واحدة، في حين كيتقدّم السد القطري فالصدارة ب4 ديال النقاط، وغتكون بيبان حظوظ التأهل مفتوحة على كافة الحتمالات للأندية الأربعة فالجولة اللخرة.
وذكر مدرب الفريق الأحمر، فالمؤتمر الصحفي اللي انعاقد زوال اليوم الثلاثاء بمدينة أبها السعودية، باللي تمركز الهلال ماشي عامل اللي غيعكس مستواه الحقيقي، داكشي علاش أكّد أنها “غتكون أصعب مقابلة ضد فريق عندو صدى كبير وهو الهلال”، وزاد “كلنا مكنّاش كنتسنّاو بتش يكون ماتش الحسم ديالنا قدام الهلال، وغنكونو مستعدّين ذهنيا وبدنيّا باش نشرّفو الكرة المغربية.
وأكّد عادل رمزي أنه غيخدم على نهج تكتيكي مغاير فماتش الغد، وقال “الفريق ديالنا معروف باللعب الهجومي لكن في لقاء الغد غنكنّ كاع الاحترام للهلال. وغنلعبو بحرص وغنعوّلو على الهجمات المرتدة كسلاح فإدّينا”، وتابع “نحبسو الهلال من أخذ الكورة ومن جهة أخرى غنحاولو الاستفادة من الفرص المتاحة خصوصا أنهم غيخلّيو مساحات فالشّق الدفاعي.
وفيما يخصّ المساندة الجماهيرية للهلال بحكم تنظيم الكأس العربية بالسعودية، نوّه المدرب الودادي بأن ” عامل الجمهور غيعطي دفعة كبيرة للاعبي الهلال الدافع باش يقدّمو ماتش واعر، وحتى الفريق الأحمر موالف على بحال هاد اأجواء.
و”رمزي” عندو أمل أنه يمرّ بفرقتو لربع نهائي كأس سلمان للأندية العربية البطلة، كيتمنّى يطيح مع اتحاد جدة السعودي ونجمه الجديد الفرنسي كريم بنزيما.