علن الفنان المغربي عبد القادر عيزون المعروف بـ”التيباري”، على التنازل ديالو بجانب مجموعة من زملائو من الفنانة على شكايتهم فحق الممثل الكوميدي عبد الفتاح جوادي، وهادشي بعدما صيفطو وكيل الملك بالمحكمة الابتدائية الزجرية بعين السبع بالدار البيضاء لسجن عكاشة بعد ما سالات الأجل المحدد ليه باش يدفع أتعاب الفنانين اللي شكاو بيه.
وقال عيزون في تصريح ليه أنه قرر التنازل لعبد الفتاح جوادي على 90 فالمية من مستحقاتو المالية بسباب تأثرو بوضع الأخير اللي طيح دموعو قدامو فاش تلاقاه فأروقة المحكمة وطلب منو السماحة، زائد تعاطفو مع الأم ديالو المريضة المريضة اللي دارت ليه زيارة فدارو وطلبات منو يسمح ليه ، كيشير الفنانة لاخرين قدموا كذلك تنازلات على الشكاية.
كيفما أن عدد من الفنانين المغاربة اتهموا زميلهم عبد الفتاح جوادي بـ”النصب” و”الاحتيال” و”خيانة الأمانة”و”المعيار والسبان والتهديد”، وهادشي جا من بعد تعاملهم الفايت في سيتكوم “تريكة القنب” اللي داز فقناة “تيلي ماروك” شهر رمضان الماضي؛ وتقدمو بشكاية مستعجلة لوكيل الملك بالمحكمة الابتدائية الزجرية بمدينة الدار البيضاء، اتهموه فيها بـ”النصب” و”الاحتيال” و”خيانة الأمانة” و”السبان والمعيار والتهديد”.
ووفق نص الشكاية، فإن المشتكى بيه عبد الفتاح جوادي اقتارح على الفنانين المذكورين الاشتغال معاه في عمل فني تلفزي بقناة “تيلي ماروك”، عن طريق شركة أسسها باسم “ANNECY PRODUCTION”.
ووفقا لنفس المصدر، فإن الفنانين خدمو مع جوادي لمدة شهر وصورو بتصوير 30 حلقة من سيتكوم “تريكة القنب” اللي داز فالموسم الرمضاني الفايت ف قناة “تيلي ماروك”، وفاش طالبوه بعد ما سالات مدة العمل بدفع أجورهم “امتنع وسبهم بأخيب الألفاظ القبيحة، وهددهم على أنه وخا يتابعوه قانونيا مغيقدروش ياخذو حقهم منو وخا يديرو اللي يديرو فعلوا”، كيشيرو أنهم بحوزتهم تسجيلات صوتية وميساجات فالواتساب كتأيد أقوالهم.