ذكر الكوتش ديال المنتخب المغربي، رينالد بيدروس، أن الماتش اللي غيجمعو بالمنتخب الفرنسي للسيدات في ثمن نهائي كأس العالم المقامة بأستراليا ونيوزيلاندا، خاص يتحطّو فيه المشاعر فجهة بعيدة، وكيأكّد على أنه معندو حتى شكوك وأنه مغيحسش بالندم فحالة قصى منتخب بلادو، حيتاش كيبغي المغرب وعندو أمل باش “يتورخها” ويهدي ليه الانتصار في لقاء يوم غد.
وقال بيدروس، اليوم الإثنين، فالمؤتمر الصحفي اللي كيكون قبل ماتش “اللبؤات” بفرنسا برسم دور الـ16 لكأس العالم: “بصّح..هي مقابلة خاصة بالنسبة ليا، حيتاش أنا فرانساوي ونفس الحاجة كتهمّ الطاقم التقني كذلك، إنما القلب ديالي كينبض فالمغرب”، وزاد “ثلاثة أعوام وحنا هنا خدّامين بكاع جهدنا باش نوصلو لأهداف غير متوقعة وخيالية، وبالفعل قدرنا نحقّقوها بفضل هاد “ليكيب” والجامعة.
وزاد المدرب الفرنسي كلامو على المرتبة اللي محطوط فيها المغرب عندو، وقال “عرفت باللي كنبغي هاد البلاد بزّاف، أنا كنعيش بيخير هنا (المغرب) وفرحان بالتدريب هنا”، كشيشدّد على أنه ” معنديش حتى تردد ولا ندم للانتصار على المنتخب الفرنسي، وغندير كلشي باش ندوز لربع النهائي”.
وفيما يتعلق باستراتيجية الرّباح فمقابلة الغد (الثلاثاء)، قال بيدروس باللي “النتقال من الهجوم للدفاع ومن الدفاع للهجوم غيكون مهم، زكاينين شي حوايج خداّمين عليها وفاستمرارية مع المستوى اللي درناه فماتش كولومبيا”، كيتابع “خاص تكون الغلبة لصلالحنا على المستوى الهجومي وحتى الشق الدفاعي، حيتاش غنتلاقاو بمنتخب خطير بزّاف”.
واعتارف الناخب المغربي بصعوبة مواجهة فرنسا في دور الـ16، ووضّح فهاد السياق”فاش كتلعب في ثمن النهائي قدّام منتخب من طراز عالمي، فخاصّك تطلّع المستوى كيفما درنا ضد كولومبيا وكان مستوانا مزيان”، كيبيّن باللي لاعبات المنتخب المغربي خاص يكونو “أكثر صرامة فاش يمتالكو الكرة، وأكثر قتالية فاش متكونش عندهم الكرة باش يتمّ استعادتها”.
وأكد بيدروس أنه غيستاغلّ معرفته الجيدة بلاعبات المنتخب الفرنسي في مباراة الغد، ووضّح بقولو “كنعرف لاعبات المنتخب الفرنسي، كاينين منهم اللي دربتهم من قبل، وكنعرف حتى اللي مسبقش درّبتهم وكيلعبو فالدوري الفرنسي، وحتى هادوك اللي محترفات فالدوري الإنجليزي. لكن الأهم عندي هو منبالغوش في تقدير المنتخب الفرنسي، وخاصنا نعاودو ما قدّمناه ضد كورويا وكولومبيا”.