استلم عمر اوسكني شيخ سبعيني، من إدارة مهرجان سيدي عبد الله اوبلعيد نواحي إفني شي يّامات دبا، عمرة تهدات ليه، وهادشي راجع لكل ما عطاه لساكنة المنطقة، حيتاش كان كياخذ المبادرة وكيتطوّع لسنين فإصلاح المسالك الطرقية اللي تربط بين الدوّار ديالو أفرغلا بجماعة سيدي عبد الله اوبلعيد والمركز ومجموعة من المسالك الطرقية بأيت الرخا وكيعتامد على “فاس وعتلة”.
ومقدرش يخبّي الشيخ الفرحة ديالو بهاد “الكاضو” اللي تكتّب ليه باش تحقّق الأمنية ديالو ويدوز “عمرة” على نفقة المهرجان، وبكثرة الفرحة بقى كيدور باش يشارك هاد الخبر المبهج مع الناس اللي كيعرف فمدينة تزنيت.
كيفما أن عمر اوسكني كيحظى باحترام كبير عند ناس الدوار بسباب التطوع ديالو المستامرّ فإصلاح الحفاري اللي منتاشرين فكاع الطرقات وترقيع المسالك الطرقية اللي كتسبّب التساقطات، كيوجّه بداكشي ميساجات قوية لأصحاب الشأن المحلي لتكريس أهمية كبيرة للبنيات الطرقية بالدواور.
