تحطّو خمسة ديال العناصر من وحدة خاصة فالبوليس االفرنسي فالحبس باش يحقّقو معاهم فمقتل شاب على خلفية أعمال شغب فالبدية ديال يوليوز في مارسيليا في جنوب البلاد، وفق ما علنات النيابة العامة اليوم الثلاثاء.
وبيّنات النيابة العامة، في بيان، باللي “النيابة العامة في مارسيليا كتأكد على أن 5 ديال عناصر الشرطة من وحدة التدخل السريع فالشرطة (ريد) فالثامن من غشت 2023 تحطّو فالحبس على ذمة التحقيق”.
كيفما تمّ استدعاء عناصر أخرين فالشرطة، الثلاثاء، للإصغاء لإفادتهم كشهود في قضية مقتل “محمد. ب” اللي فعمرو 27 سنة.
ليل 1-2 يوليوز، كان وسط مرسيليا، ثاني المدن الفرنسية، مسرح لعمليات تهديم وسطو بعد وفاة نائل، المراهق اللي فعمرو 17 عام واللي قتلو بوليسي حدى باريس ف”باراج” تدقيق مروري في 27 يونيو.
وكانت مرسيليا، حالها بحال مدن فرنسية كبيرة أخرى، مسرح تصادمات وأعمال شغب وتدمير واختلاس فبزّاف ديال الليالي متابعين. وفهاد الليلة تقتل محمد بن إدريس المتزوج والأب لطفل، فيما الأرملة ديالو حامل بولدهم الثاني، من ما تصاب بعارض صحي وهو متنقّل على “موطور”. وأثناء تشريح الجثة ديالو، بانو على صدرو غلامات تقدر تكون راجعة لقرطاس غير حيّ.
وفايت وتوجّهات أصبع الاتهام، في 21 يوليو، لأربعة من عناصر الشرطة في مرسيليا، باستعمال “العنف المقصود اللي تسبّب فالعجز الكلّي على العمل لفترة كتزيد على ثمانية أيام”، في حق الشاب “هادي”، كانو شبّعوه العصا اللي أدّات بيه لاستئصال جزء من الجمجمة ديالو، على خلفية أعمال الشغب كذلك.