أكدت مصادر من داخل إدارة فريق الوداد أن الرئيس ديال الفريق، سعيد الناصيري، باغي يدير شي حاجة جديدة فالفريق، وباغي يشتغل على هيكلة الفريق بطريقة احترافية.
وكشفات المصادر ديال “فلاش راديو” أن سعيد الناصيري غاي يدير تقديم فالمستوى العالي وبطريقة احترافية للاعبين الجدد لي تعاقد معاهم فالميركاطو الصيفي، وهاد الشي غادي يديرو قبل الانطلاقة ديال الدوري المغربي.
والناصيري باغي يوفي بالوعود ديالو لي كان ديما كايواعد بها الجمهورر الودادي بخصوص هيككلة الفريق، وغادي يتعاقد مع مدير رياضي ومدير تقني ومدير عام للنادي، وحتا هما غادي يقدجمو خلال الحفل لي باغي يديرو في أحد فنادق مدينة الدار البيضاء.
الجمهور الودادي لي دائما باغي يشوف الفريق ديالو مهيكل بطريقة احترافية جاتو هاد القرارات غريبة، خاصة أن رئيس الفريق أعلن عليها شحال من مرة، ولكن هاد المرة الجماهير الودادية كتمنى هاد الشي يخرج لأرض الواقع.