قدرو قراصنة (هاكرز) اللي هويّاتهم مجهولة، على أنهم يوصلو لأسماء وأرقام هواتف 2800 موظف في شرطة كانتون برن في سويسرا، وفق ما أفادت بيه السلطات.
وذكرات الناطقة باسم الشرطة فلورينا شينك أمس الجمعة “القراصنة نجحو فالحصول على هاد البيانات من خلال خلل أمني في تطبيق كيخدمو بيه كاع البوليس على تيليفوناتهم الذكية”.
وزادت في تصريحات تلفزيونية “سجل تسريب لبيانات هي عبارة على أسماء وأرقام هواتف الموظفين اللي كيملكو “بورطابلات”، أي كلشي”.
ولحد الساعة كيبان باللي البيانات اللي خذاوها القراصنة متبارطجاتش للعامّة، بحسب السلطات.
وكان المركز الوطني للأمن السيبراني بلّغ شرطة برن يوم 21 يوليوز الفايت على فجوة أمنية في تطبيق “موبال آيرن”، مع أنّ المعلومات كانت تسرّبات، وةخّا المشكل تحلّ دغية.
وتطبيق “موبال آيرن” المستعمل على مدى واسع في عدد كبير من الدول، كيخوّل لموظفي شركة ولا إدارة الاتصالَ عبر الأجهزة المحمولة ديالهم بخوادم صاحب العمل بشكل آمن.
وأكّدات شرطة برن باللي معندها حتى فكرة على الهاكرز، مع الإشارة إلى أنها صدرات تحقيق جنائي فداكشي اللي وقع.