علن وزير التعليم الفرنسي غابريال أتال -الأحد- باللي غيمنع لبس “الحجاب الشرعي” فالمدارس الفرنسية، كيشير بأن لبس هاد الزي الإسلامي يعد انتهاكا للقوانين العلمانية الصارمة المطبقة في مجال التعليم فالبلاد.
وقال أتال أثناء مقابلة مع تلفزيون “تي إف 1” الفرنسي باللي “لبس الحجاب الشرعي فالمدرسة مغيبقاش ممكن من دابا للقدّام.” وشدد على نيّتو باش يحطّ “قواعد واضحة على المستوى الوطني” للأخذ بيها من قبل مديري المدارس قبل بداية العام الدراسي الجديد فجميع أنحاء فرنسا اعتبارا من 4 سبتمبر/أيلول الجاي .
وفاش تطرح سؤال على الوزير فيما يخص المسألة اللي دايرة جدل شي شهورة على خلفية حوادث على صلة بلبس الهندام، كشف أتال ” أنه ناوي “ابتداءا من السيمانة الجايّة ” باش يتلاقى مسؤولي المدارس باش يعاونهم فتطبيق هاد المنع . وشدّد على أن “العلمانية هي حرية تحرير الذات من خلال المدرسة”.
وكيجي القرار اللي كشف عليه وزير التربية الفرنسي بعد شهورة من الجدل بخصوص لبس الحجاب الشرعي فالمدارس الفرنسية، حيث كتمنع السلطات ارتداء الحجاب الإسلامي فالمدارس الحكومية من عام 2004.
كيفما كيجي بعد تقارير كتّكلّم على تزايد ارتداء العباءات فالمدارس، ووجود توترات داخل بعض المدارس بين المعلمين وأولياء الأمور بهاد الخصوص.
وأشارت وكالة الأنباء الفرنسية باللي اليمين المتطرف طبّق ضغوط بغرض إصدار قرار المنع، اللي شاف فيه اليسار الفرنسي انتهاك للحريات المدنية.
وكانت فرنسا اللي كتضمّ أكبر أقلية مسلمة فأوروبا منعا لبس الحجاب الإسلامي الشرعي فالمدارس الحكومية عام 2004.
