تمت إدانة رجل أصلو مغربي، فعمرو 38 عام من كامبراي بفرنسا، بالحبس 10 أشهر مع وقف التنفيذ مع حرمانو من حقوقو المدنية لمدة عام. كيفما تحكم على الوالدة ديالو بالسجن لمدة خمسة أشهر مع وقف التنفيذ بتهمة التورط فالاحتيال على الضمان الاجتماعي في مبلغ يقدر ب28892 يورو.
وتوجهات للمغربي اتهامات باستلام ما يقارب 29 ألف يورو كمساعدة اجتماعية من فرنسا فوقت إقامتو فالمغرب. وخذا المشتبه إعانات العجز ففرنسا فاش قرر يدوز العطلة فالمغرب، وفق ما نشراتو تقارير إعلامية فرنسية.
وغير وصل للمملكة، خذا قرار بالاستقرار فيها والزواج، ومعلمش السلطات الفرنسية، وكمل في تلقي مخصصاته على عنوان الأم ديالو اللي فعمرها العمر 65 عام في كامبراي، ما بين 2 يناير 2019 و28 يونيو 2022.
ووقت المحاكمة ديالو، ادعى المعني بالأمر، اللي خسر وظيفتو وتزوج مرة أخرى فالمغرب، أنه معندوش النية يبقى فالمغرب بشكل دائم. وحسب إفادتو، فإنه مكانش عارف أنه كيتوجب عليه البقاء ففرنسا للحصول على مخصصات العجز. إلا أن محامي الطرف المدني قال باللي الرجل قدم إقرار كاذب بالإقامة عن طريق الوالدة ديالو.