وصل رقم معاملات الشركة المغربية للصلب والحديد (Maghreb Steel) لمجموع 2,43 مليار درهم فنهاية يونيو 2023، بانخفاض النسبة ديالو 16 فالمية مقارنة بنفس بالفترة من سنة 2022.
ووضحات الشركة، في بلاغ صحفي، باللي رقم معاملاتها فالفصل الثاني من عام 2023 وصل 1,22 مليار درهم، مقابل 1,44 مليار درهم خلال الفصل الثاني من عام 2022، بانخفاض يقدر ب15 فالمية، وهادشي بسباب تراجع حجم مبيعات الصادرات بنسبة 50 فالمية.
وضافت باللي حجم المبيعات فالفصل الثاني من عام 2023 وصل لما يقارب 109 آلاف طن، مقارنة بما مجموعه 116 ألف طن قبل عام، في حين وصل حجم المبيعات برسم النصف الأول 221 ألف طن، بانخفاض بنسبة 6 فالمية مقارنة بالنصف اللول من عام 2022.
ووصلات الاستثمارات اللي طلقاتها الشركة المغربية للصلب والحديد فالفصل الثاني من عام 2023 بمجموع 19 مليون درهم، كتعلق أصلا بصيانة وحدات الإنتاج.