جاب البطل المغربي العالمي والأولمبي سفيان البقالي، المركز اللول فمسافة 3000 متر موانع، بملتقى الدوري الماسي شيامن، المحطة 12 من “العصبة الماسية”.
وقطع سفيان البقالي السباق فتوقيت 8 الدقايق و10 ثوان و31 جزءًا من المائة، كيحقق بداكشي المرتبة اللولى، ومكمل فالهيمنة ديالو على هاد التخصص، بعدما حقق البطولة العالمية.
وكان العداء المغربي، سفيان البقالي، ربح فالسباق النهائي لمسافة 3 آلاف متر موانع، نهار الثلاثاء 22 غشت الفايت، ضمن الدورة 19 لبطولة العالم لألعاب القوى ببودابيست، وخذا الميدالية الذهبية وحافظ على اللقب ديالو.
وسالى البطل البقالي السباق متقدم فالمركز اللول بتوقيت 8.03.53 دقيقة، في حين احتل العداء الأثيوبي لاميشا جيرما، المركز الثاني فالسباق، كيفما احتل العداء الكيني كيبيوا المركز الثالث.