عرف صباح اليوم الأربعاء اجتماع عقدو رئيس المجلس الجماعي للحي المحمدي، واللي تعرض فيه هاد الأخير لتهم مباشرة من طرف المعارضة..واللي كتشمل كل من التبذير والاختلاس.
وحسب ما جا على لسان “عبد الجليل أبا زيد”، مستشار مقاطعة الحي المحمدي وعضو مجلس المدينة، قال “حنا مبغيناش نذّاكرو على الميزانية ديال 2024 حتى نشوفو الميزانية ديال 2023 و 2022، وحنا جينا تفاجئنا بعدد من الساكنة رافعين واحد الشعار اللي خطير واللي هو “السطو على ملكهم الخاص”، وخرقو واحد الخرق سافر للدستور المغربي وأخص بالذكر الفصل 35 منّو وهادشي أثار حفيظتنا، وبالتالي لقينا باللي رئيس مقاطعة الحي المحمدي أنه قام بالسطو على مِلْكين..أولا مِلْكْ ديال اليهود المغاربة خاص بشهادة الملكية، والثاني ديال اليهود المغاربة اللي متواجدين ف”العنتري 2″ حتى هو نفس الشيء، وقام السيد رئيس الجلس بإحداث حديقة عمومية داخل هاد الأراضي الخاصة، وهادا مرفوض رفض باتّ، وكان حطّ ميزانية طلب سند وصرفو على هاد الحديقة في حين لا يحق لهم صرف الملك الخاص أو الملك العام ديال الجماعة”.
كيفما احتشدو عدد من الساكنة المحلية واللي كانو كيناشدو الملك محمد السادس وكيطالبو بحقهم وأراضيهم اللي ضاعوا فيها.
غتلقاو فالرابط أسفله الفيديو اللي صوّروه طاقم “فلاش راديو” ديال تصريحات الساكنة المتضررة :
