كشف المدير الإقليمي لمنظمة الصحة العالمية للشرق المتوسط أحمد المنظري تفاصيل الوضع الصحي والإنساني، فالمناطق المتضرّرة بالعاصفة “دانيال” اللي عاشتها ليبيا شي يامات قليلة فايتة.
وذكر المنظري باللي ليبيا كدّوز من أزمة إنسانية غير مسبوقة بسباب العاصفة “دانيال”، اللي خلّفات أكبر وأسوأ فيضانات عرفاتها البلاد فالقرن الفايت، حيث وصلات الأضرار الفادحة الناجمة عنها بين 1.5 و1.8 مليون شخص فالمنطقة الشرقية من البلاد.
وكان رئيس بلدية درنة شرقي ليبيا، أكد لمصادر صحفية باللي عدد القتلى من بعد الفيضانات اللي خلّفاتها العاصفة “دانيال” يمكن تفوت حاجز الـ20 ألف.
وفنفس الصدد ، بيّن المنظري باللي “كاع المتضررين من الفيضانات بحاجة ماسة للدعم العاجل والخدمات الصحية الأساسية والتدخلات المنقذة للحياة، كيفما أن المتضررين عرضة لخطر متزايد من الأمراض المنقولة بالمياه، وغيرها من الأمراض اللي كتناتشر فالظروف المشابهة”.
كيجي داكشي فالوقت اللي وجدات فيه فرق الإنقاذ مقابر جماعية، باش يتمّ دفن الجثث اللي جمعوت من درنة، بعد الدمار المهول اللي تعرّضات ليه المدينة.
المصدر: سكاي نيوز عربية