عرف موضوع اختيار بيدرو سانشيز، رئيس الحكومة الإسبانية المكلفة بتصريف الأعمال، قضاء العطلة ديال الصيف في مراكش إثارة جدل بزاف ديال الناس فالصبليون وكترات الهدرة فالأوساط الإسبانية، الحاجة اللي خلات أحزاب المعارضة يردو الموضوع قضية رأي عام وفرصة للهجوم على سانشيز واتهامو بـ “تفضيل المغرب على الصبليون”.
ومن جيهتو، اعتابر فيليكس بولانيوس، وزير شؤون الرئاسة الإسباني، نهار الخميس بالعشية، باللي اختيار سانشيز المغرب كوجهة فين يدوز العطلة ديالو “مسألة شخصية معندو حتى علاقة بيها”.
ولمح المسؤول الإسباني، في تصريحات إعلامية، باللي مسألة قضاء سانشيز العطلة الصّيفية مع عائلتو كيدخل في نطاق الأمور الشخصية اللي معندو ميتقال فيها، كيوجه النقد ديالو لأحزاب المعارضة اللي خاصها ” تستشعر مصيرها المؤسف، حيتاش ماشي الأغلبية فهاد البلد، ومكتشطارتش على شي واحد كيفاش يعيش”.
ونوض قرار سانشيز قضاء إجازتو الخاصة بالمغرب جدل عند الأحزاب الإسبانية، فاش وصفو الحزب الشعبي بأنه استفزاز، فيفي حين اعتابرو حزب فوكس بأنه “تفضيل للمغرب على حساب إسبانيا”.
ويشار إلى أن سانشيز، الأمين العام لحزب العمال الاشتراكي الإسباني، ورئيس الوزراء الإسباني المنتهية ولايته، حط الرحال من الثلاثاء الفايت، بمدينة مراكش الحمراء باش يدوز العطلة ديال الصيف مع عائلتو.
ويذكر، باللي العاهل الإسباني الملك فيليبي السادس قام بـ”إقالة بيدرو سانشيز كرئيس للحكومة مع استمراره في مهامه” على رأس حكومة تصريف أعمال، قبل ما يشرع سانشيز، وخصمو المحافظ ألبرتو نونييس فيخو، اللي تصدر حزبه نتائج الانتخابات المبكرة، في مداولات تشكيل تحالفات كتعطي لواحد منهم يتولى السلطة وتفادي الدخول فانتخابات جديدة.