قال مدرب المنتخب المغربي النسوي رينالد بيدروس، اليوم الأربعاء بمدينة بيرث الاسترالية، باللي النخبة الوطنية على أتمّ الاستعداد باش تقوم بلقاء من المستوى الرفيع قدّام منتخب كولومبيا، وغيديرو ما فجهدهم فالجانب البدني والذهني باش يخلقو الحدث ومفاجأة المجموعة،بوضع قدم في ثمن نهائي كأس العالم.
ولمّح بيدروس، في ندوة صحفية قبل الماتش “درسنا شي نقاط،اللي من خلالهم غنحاولو نحطّو اللاعبات الكولومبيات فالمصيدة”.
وبيّن المدرب الوطني باللي اللبؤات كيترقّبو مقابلة صعيبة. كيشير أنه داكشي علاش هوما مطالبات بأنهم يعوّلو على لعب جماعي ومتناغم وموحّد، بغرض أنهم يهرّسو “التّفرعين” اللي كيعرفو الشق الهجومي للفريق الخصم ورع فرديات الكولومبيات.
وزاد “كتوتجه فريق كيحظى بثقة تامّة وفالجيب ديالو ست نقاط، كل ما علينا هو نحاولو تكون عندنا الغلبة ، خاصة على مستوى الصراعات الثنائية ، وكذلك أكثر نجاعة فجيهة الخصم وأكثر اندفاع فاللعب
وأكد “بيدروس” باللي التشكيلة كاملة، كيوضح باللي الحصة التدريبية اللي غدّار اليوم بالعشية “غتكون حاسمة وغتّيح لينا اتخاذ قرار نهائي بخصصوص شي لاعبات بسباب العياء”.
وكمّل، أنه بعد الخسارة فالماتش اللّول ضد منتخب ألمانيا، ديك الساعة رجّع المنتخب الوطني الثقة وحاول التركيز على الماتشات لاخرين، والهدف هو الرجوع للمنافسنة والحلم بالتأهل التاريخي لدور ثمن النهائي.
