ذكر إيلون ماسك، الجمعة، باللي منصة “إكس” للتواصل الاجتماعي غتلغي ميزة كتخول للمستعملين يبلوكيو مشاركات من حسابات معيّنة.
وقال ماسك: “غيتلغى الحظر كـ “خاصية” مع استثناء الميساجات المباشرة”، كيوضح باللي الخيار غيبقى متوفر “للميساجات المباشرة” بين مستعملي منصة التواصل الاجتماعي اللي كانت معروفة باسم “تويتر”.
وكتستعمل هاد الميزة لتقييد التفاعل مع حسابات معينة على المنصة.
ومنين استولى ماسك على المنصة مقابل 44 مليار دولار نهاية أكتوبر تراجعات أرباحها الإعلانية بحوالي النصف بسباب المنهج ديالو الأكثر مرونة في منع خطاب الكراهية وإعادة حسابات متطرفة كانت مبلوكية من قبل.
وتكلم الملياردير نفسو ماشي مرة ماشي جوج على أن الرغبة ديالو في حرية التعبير هي السبب ورا التغييرات اللي حطها.
ووفق مركز مكافحة الكراهية الرقمية، وهو منظمة غير حكومية، ازدهر خطاب الكراهية على المنصة.
وفي شهر ديسمبر رجع ماسك تشغيل حساب الرئيس السابق دونالد ترامب على “تويتر”، لكنّ الأخير مبقاش رجع كاع للمنصة.
وتبلوكا الرئيس السابق من “تويتر” فالبدية ديال عام 2021 لدوره في هجوم 6 يناير على مبنى الكابيتول، اللي نفذاتو مجموعة من أتباعو بغرض إلغاء نتائج انتخابات 2020.
بالإضافة، لإعادة شبكة “إكس” تشغيل حساب مغني الراب والمصمم الأميركي كانييه ويست بعد حوالي ثمانية أشهر على تعليقها إياه، على ما أفادت صحيفة “وول ستريت جورنال”.
وكان طليق “كيم كارداشيان”‘نشرَ فالخريف الفارط فحسابو صورة لصليب معقوف متشابك مع نجمة داود، وبه ما كان على إيلون ماسك إلا يعلّق حساب المغني.