العشوائية بدات من النهار الأول لي خدمات فيه العصبة الاحترافية لكرة القدم زمام أمور تسيير الدوري الاحترافي بشكل كلي.
هاد العصبة لي كيترأسها عبد السلام بلقشور خرجات لنا بقرار عجيب، وهي قالت فيه بأنها كتلغي جميع العقوبات لي صدرات قبل ما تولي المسؤولة بشكل فعلي على تسيير الدوري الاحترافي.
من النهار الأول خرجات مايلة هاد العصبة، وإلى افترضنا بأن هاد القرار كان قرار منطقي، راه العصبة خاصها تحيد حتى العقوبة ديال نور الدين البيضي لي موقف 4 سنوات عن ممارسة أي نشاط رياضي، واخة هاد التوقيف ديال البيضي من اختصاص لجنة الأخلاقيات.
