عرف الاجتماع لي دارتو الجامعة الملكية المغربية لكرة القدم برئاسة فوزي لقجع اتخاذ العديد من القرارات لي كانت مفاجئة بالنسبة للمغاربة.
ومن بعد ما كانو المغاربة كيتسناو المكتب المديري يخرج بقرارات واضحة ويتحمل المسؤولية ديالو، شفنا العكس، والجامعة خرجات من باب واسع وخلات العصبة الاحترافية هي لي غادة تتحكم في تسيير وتدبير الدوري المغربي في قسميه الأول والثاني.
ولكن واش هاد القرار سليم، خاصة حنا كنعرفو الجدل لي كاين في الدوري المغربي، وأيضا واش هاد العصبة الاحترافية قادرة تسلك وتخرج هاد المعمعة لبر الأمان، وهيا كانت مكلفة غير بالبرمجة لا غير.
