قال االيوم الأربعاء مصدر في قصر بكنغهام بأن الاحتجاجات اللي كاينة في فرنسا تقدر تأثر على أمور لوجستية و اللي هي تتعلق بزيارة “تشارلز” ملك بريطانيا لفرنسا فالأيام الجاية.
و قال نفس المصدر “كنراقبو الموقف عن قرب و كناخدو النصائح من وزارة الخارجية البريطانية و يمكن يكون تأثير على الأمور اللوجستية و أن الزيارة نفسها ما عليها حتى خطر “.
و الرئيس الفرنسي “إيمانويل ماكرون” باغي يمشي يخطة ديال تهدئة الأمور فوسط تصاعد ديال الغضب فجميع أنحاء البلاد بسبب الخطة ديالو لرفع سن التقاعد و اللي هي سبب هاد التظاهرات و الفوضى فالشوارع ديال فرنسا.
و اللي مقرر هو أن الملك “تشارلز” غادي يوصل لفرنسا نهار الأحد، فزيارة رسمية وهي الأولى ليه من الوقت اللي تم تنصيبه فيه ملك ديال بريطانيا.
وقالت الرئاسة الفرنسية أنهم مازال خدامين فالتجهيزات لاستقبال الملك البريطاني , و ناضوا نواب من المعارضة و دعاو ماكرون باقتراحهم لإلغاء الزيارة الملكية تخوفا من أن المظاهرات تكتر و الفوضى ما يقدروش يتحكموا فيها فوقت استقبالهم للملك .
