حسم الرجاء الرياضي الديربي المغاربي ضد شباب بلوزداد الجزائري (2-1)، فالماتش اللي جرى زوال اليوم الجمعة على أرضية ملعب “المحالة” بمدينة أبها السعودية، وعرفات إثارة وكانت الكفّة متوازنة شيئا ما.وبقات مفنوحة على الطرفين وكان كينتابها الغموض حول شكون غايسالي الماتش بالفوز.
وتصدر الرجاء، برباحو على بطل الجزائر لحساب الجولة اللولى من دور مجموعات كأس الملك سلمان للأندية العربية البطلة، المجموعة الرابعة بثلاث نقاط، فانتظار تلعب المباراة الثانية من نفس المجموعة بين الوحدة الإماراتي والكويت الكويتي.
كيفما أن الرجاء، حامل اللقب، أداء مقتول فالجولة اللولى من المقابلة بالرغم من البدية اللي عرفات ضغط على الخصم، بحيث متمكّنوش لاعبيه من خلق فرص سانحة للتهديف.
وتوغّل بطل الجزائر على الرجاء بإسكانو لهدف مبكّر فالدقيقة الـ10 اللي عرف توقيع “معاد حداد” بروسية مجهدة متمكنش الحارس أنس الزنيتي من التعامل معاها (1-0).
وحاول الرجاء ترتيب الأوراق ديالو باش يرجع في نتيجة المباراة في ظل التنظيم التكتيكي المحكم لـ”أبناء العقيبة” تسدّو كل الثغرات على رفقاء محمد زريدة، في حين تم تهديد مرمى أنس الزنيتي فأكثر من مناسبة.
ودار المدرب الألماني للرجاء، جوزيف زينابور، تبديل اضطراري قبل متسالي ميطا اللولى بثلاثة الدقايق بإدخال “نوفل الزرهوني” مكان “أكسيل ماي” اللي موعّت، باش يسترجع الفريق الأخضر العيمنة ديالو على وسط الميدان.
وفالشوط الثاني، زكل البديل حسين رحيمي، اللي شارك فالبدية ديال الجولة الثانية، فرصة لتسوية كفوف النتيجة للرجاء بعدما مقدرش يتبلاصا لعرضية ويترجمها لهدف فالشباك الجزائرية (د46).
وضغط شباب بلوزداد في محاولة للاستفادة تقدّم عناصر الرجاء بحثا على هدف التعادل، فتوغل مختار بلخير وسدد كرة قوية بعّدها الزنيتي بإتقان فالدقيقة الـ51.
وجابت الدقيقة الـ58 خبار سارة للرجاء بإعلان الحكم العراقي علي صباح ضربة جزاء بعد الاستعانة بتقنية الفيديو “الفار”، نجح الجزائري يسري بوزوق فإسكانها فالمرمى(1-1).
وزكل شباب بلوزداد فرصة الرجوع للتقدم فالنتيجة من نقطة الجزاء بعد عرقلة إسماعيل مقدم لإسلام بلخير فالدقيقة الـ68، واللي فشل سدد ليونيل جوفولا أنه يحطّها فالشباك والحظ لعب مع الزنيتي ومشات الكرة فوق بوطو الرجاوية.
وتحكّم الرجاء فاللعب وفرض سيطرتو في ما تبقى من دقايق الجولة الثانية، ورجع مرة أخرى رحيمي باش يهدر هدف محقق فالدقيقة الـ77 بعد ما تلقّى عرضية محكمة داخل الكاري ديزويت.
وتألق حارس بلوزداد، أليكسي بونوا، في منع رأسية مركزة لحسين رحيمي فالدقيقة الـ80 واللي انتهى بيها المطاف للكورنير.
وفاق الرجاء فالدقائق اللّخرة من الماتش، وضغط بقوة على مرمى الجزائريين باش يقلّب على هدف 3 نقاط، الحاجة اللي صدقات ليه فالدقيقة الرابعة من الوقت بدل الضائع عن طريق لعراسي (2-1).
