وصل صدى المقاطع المصورة لي كيبانو فيها عملية ذبح كلاب وبغال من طرف أشخاص مجهولين لقبة البرلمان، بعدما تداولت في الأيام الأخيرة بقوة فمواقع التواصل الاجتماعي.
المجموعة النيابية لحزب العدالة والتنمية قالت إن مقاطع ديال الفيديو، كيبانو فيها كيذبجو الكلاب والبغال خلفت استياء كبير في نفوس المغاربة بسبب غلاء الأسعار والشك الي بدا كيدخلهم في جودة المواد الأساسية، داعية الحكومة من خلال وزارة الفلاحة إلى اتخاذ إجراءات مستعجلة باش يقولوا للمغاربة أشنو واقع.
وشددت المجموعة في السؤال ديالهم على ضرورة الضرب على أيدي الناس لي كيتلاعبو بجودة المواد الغذائية حفاظا على صحة المغاربة وضمانا لسلامتهم، في حالةكان هاد الشي لي كيتدواوه المغاربة بصح.
وازدادت مخاوف المواطنين المغاربة من تسلل لحوم “الجيفة” ولحوم حيوانات أخرى للموائد ديالهم في هاد الشهر ديال رمضان، ومن بعد موجة الارتفاع غير المسبوق في ثمن اللحوم الحمراء بالأسواق الوطنية.
