وصل رقم معاملات “ليديك” 3,58 مليارات درهم فنهاية يونيو 2023، كيسجل انخفاض بـ0,8 فالمية مقارنة بنفس الفترة من العام الفايت.
وبيّنات “ليديك”، في بلاغ على نتائجها نصف السنوية، باللي هاد الانخفاض كيرجع أساسا لتطور رقم معاملات الأشغال اللي انخفض بنسبة 12,7 فالمية مقارنة بالفترة نفسها من عام 2022.
وفالتفاصيل، زاد المصدر نفسو، باللي رقم معاملات الكهرباء وصل 2,28 مليار درهم، بارتفاع بنسبة 1,4 فالمية مقارنة بنفس الفترة من العام الفايت.
ومن حيث الحجم، سجّلات مبيعات الكهرباء ارتفاع بنسبة 1,3 فالمية، بفضل، على الخصوص، تحسّن المبيعات الموجهة للزبناء الصناعيين (زائد 0,3 فالمية ) نتيجة لاستئناف النشاط الصناعي.
ومن جهته، وصل رقم معاملات الماء الصالح للشرب 663 مليون درهم، بارتفاع بنسبة 0,6 فالمية مقارنة بالنصف اللول من عام 2022. ومن حيث مستوى الحجم، سجّلات مبيعات الماء الصالح للشرب ارتفاع بنسبة 1,3 فالمية مقارنة بسنة 2022، واللي كيرجع لارتفاع استهلاك الخواص مع انخفاض الاستهلاك الصناعي واستهلاك الإدارات ارتباطا بتدابير الترشيد المتعلّقة بالإجهاد المائي.
وزاد المصدر نفسو أنه في ما يخص الاستثمارات الخاصة بالتدبير المفوض، وصلات ل347 مليون درهم.
وبالنسبة لمستوى صافي المديونية، فوصل ل372 مليون درهم، بانخفاض قدره 673 مليون درهم مقارنة بالعام الفايت.
